Make your own free website on Tripod.com

КОМЕНТАР КОЛА


Олеґ Колбас

Ниа, после длугорочного чеканя, трапєня, церпеня и назадованя, и нам ше конєчно случела - демократия. Ми ше єй шицки зрадовали, но, випадло жє ю нє барз знаме хасновац.

Людзе як людзе подумали же досц окончиц пременки, зменїц старих репресивних, поставиц нових проґресивних, лєгнуц спац и ютре дзень ше зобудзиц у новим, лєпшим и шветлейшим швеце. Алє цо? Достали зме пременки, а пременки цошка ценки. Наявени економски реформи почали ше запровадзовац и цо ше баржей економия оправяла шицко друге ше погоршовало. Проблем ше зявел кед место наявеней експерсткей Влади републичну Владу формовали представнїки ДС, ДСС, ҐСС, ДА, НС, СД, НД, ПДС, СДУ, ЛСВ, РВ, СВМ, КВ, ТХЇ, БББ итд. Кажде з нїх жадал свойо место у власци цо спричинєло вельочислени конфликти медзи странками у самим ДОС-у.

Окремни приповедки представяю вельочислени локални функционере СПС, ЮЛ хтори прейґ ноци дожили праву метаморфозу и од национал-социялистох постали першоборци баґер револуциї.

Заш лєм, найбаржей би нас могли забриґовац тоти же ше пременки нє случели у велїх главох. Народ постал нєсцерпени и нервозни, яґод же забул же прешлому режиму допущел вецей як 10 роки же би го доєл и циґанєл, док нова ДОС Влада реално кратки период на власци же би виправела шицки "криви Дрини" цо остали за Слобом и компанию.

Одредзени резултати новей власци нєоспорни, окреме на дипломатским полю, алє цо ше мнє дотика гоч хто бул на власци муши знац же без автономиї нєт демократиї.